Зуурмагийн машин урд нь явсан “Приус”-ийг мөргөж осол гаргав

Өнөөдөр 12 цаг 30 минутын орчим Хан-Уул дүүргийн нутаг Яармагийн замд гэрлэн дохион дээр зогсож байсан “Приус” маркийн автомашины араас зуурмагийн машин мөргөсөн ноцтой осол гарчээ. Ослын улмаас “Приус” маркийн автомашины жолооч гэмтсэн бөгөөд Гэмтлийн эмнэлэгт хүргэгджээ. Яаралтай  үзлэг, шинжилгээнд хамрагдаж байгаа аж. Замын хөдөлгөөнд оролцож яваа  жолооч бүр анхаарал болгоомжтой оролцохыг Тээврийн  цагдаагийн албанаас анхааруулж байна.