Хөлөө ачиж суух нь ямар сөрөг нөлөөтэй вэ?

2018 оны 11-р сарын 15 өдөр, 18 цаг 35 минутад нийтэлсэн (Сэтгэгдэл үлдээх )
Close-up image of women sitting with legs crossed trying on new sneakers in shopping center.

Хүмүүс хөлөө ачиж суух нь хамгийн тухтай гэж үздэг бөгөөд ингэж суух нь бүсгүйчүүдийг халуухан, эрчүүдийг илүү өөртөө итгэлтэй харагдуулдаг байна. Гэвч үнэн хэрэгтээ бидний биед хэрхэн нөлөөлж, ямар үр дүнд хүргэдэг болохыг та мэдэх үү? Хэрвээ энэ тухай төдийлөн сайн мэддэггүй бол бидний бэлтгэсэн дараах мэдээлэлд анхаарлаа хандуулна уу.

  1. Бид өөрийн мэдэлгүй хөлөө ачин удаан хугацаанд суучихсан байдаг. Харин гэнэт хөлөө бадайрч байгааг анзаарч буулгадаг бөгөөд тухайн үед танд ямар нэгэн өвчин зовиур илрэхгүй байлаа ч дотоод эрхтнүүдэд сөргөөр нөлөөлж байдаг аж. Удаан хугацаанд хөлөө ачиж сууснаар гуяны дотоод булчин агшдаг бол гадаад булчин сунаж орхидог. Мөн энэ нь хөлийн судас бүдүүрлийн хамгийн гол шалтгаан болдог билээ.
  2. Мэдээж бүсгүйчүүдийн тухайд хөлөө ачиж суух нь халуухан, дур булаам харагддаг боловч сайхан харагдахаас илүү эрүүл мэнд чухал тул одооноос тус зуршлаа хаяхыг зөвлөе. Учир нь: Удаан хугацааны турш хөлөө ачиж сууснаар мэдрэлийн саажилттай болж, хамаг бие салганах өвчтэй болдог аж.
  3. 2010 онд нэгэн судалгаагаар хөлөө ачиж удаан суусны улмаас цусны даралт ихсэхэд хүргэдэг хэмээн дүгнэсэн төдийгүй хүмүүсийг тус байрлалаар суухаас аль болох татгалзахыг зөвлөсөн юм.
  4. Үүнээс гадна хөлөө ачиж суухаас татгалзах бас нэгэн шалтгаан бол нурууны гажиг аж. Хөлөө ачиж суусан тохиолдолд нуруу, өвчүүний ясанд учрах даралт жигд бус, тэнцвэргүй болсноор нурууны өвчтэй болох суурь тавигддаг байна. Мөн хөлийн булчингийн цусны эргэлтийг хааж саатуулснаас болж хөл бадайран, венийн судасны үрэвсэл, цусны бөглөрөл, түгжрэл үүсэх аюултай ажээ.
  5. Өдөрт гурав ба түүнээс дээш цаг хөлөө ачиж суудаг бол нуруу, хүзүүний өвчтэй, цусны даралттай, судасны үрэвсэл гэхчлэн маш олон өвчний үүр уурхай болж хувирах юм. Амьдралын хамгийн чухал зүйл бол үргэлж эрүүл мэнд байсаар ирсэн тул та урт удаан аз жаргалтай амьдрахыг хүсч байгаа бол энэхүү зуршлаа  яг одооноос хаяарай.

Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл үлдээх