Хоёр байшин шатаж, нэг хүний амь эрсэджээ

2018 оны 11-р сарын 27 өдөр, 14 цаг 34 минутад нийтэлсэн (Сэтгэгдэл үлдээх )
gal

Хүйтний эрч чангарч буй өдрүүдэд гал түймрийн аюулаас болгоомжлон сэрэмжлэхийг ОБЕГ-аас анхааруулж байна. Өнгөрсөн амралтын өдрүүдэд галын дуудлага нэмэгджээ.  Нийслэлийн Баянзүрх дүүрэгт байшин нь шатсанаас гэрийн эзэн амиа алдсан харамсалтай хэрэг гарчээ. Тус дүүргийн 8 дугаар хорооны Эрдэнэтолгойн 40 дүгээр гудамжинд Иргэн Ц-ийн байшин шатаж байна гэсэн дуудлага 19:26 цагт  онцгойнхон хүлээн авчээ. Тус дүүргийн Онцгой байдлын хэлтсийн Гал түймэр унтраах, аврах 63 дугаар ангийн 8 алба хаагч, 2 автомашинтай 1.5 км замыг туулан 19:31 цагт очиж 3х7 метрийн хэмжээтэй байшин шатаж байсныг 10 минут ажиллаж унтраасан аж. Гэвч уг гал түймэрт иргэн Ц /65 настай, эр/ гал түймэрт өртөж нас барсныг цагдаагийн байгууллагад шилжүүлэн өгчээ. Сонгинохайрхан дүүргийн 32 дугаар хороо, Хайрханы 10 дугаар гудамжинд Иргэн Т-ын байшин шатаж байна гэсэн дуудлага мөн өдрийн 18:27 цагт хүлээн авчээ. Баянгол дүүргийн Онцгой байдлын хэлтсийн Гал түймэр унтраах, аврах 18 дугаар ангийн 8 алба хаагч, 2 автомашинтай 20 км замыг туулан 18:41 цагт очиж, 2х3 метрийн хэмжээтэй амбаар, 6х7 метрийн хэмжээтэй байшингийн дээврийн хэсэг тус тус шатаж байсныг 1 цаг 30 минут ажиллаж унтраасан байна.

Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл үлдээх