Одонгоо салоны 20 жилийн ойгоор ОДОД гоёно

Хорин жилийн тэртээ 1998 онд “Видал” нэртэйгээр 2 үсчин, 1 гоо сайханч, 2 маникюрчинтэй үүсэн байгуулагдаж үйл ажиллагаагаа эхлүүлж байсан эдүгээ ОДОНГОО САЛОН болж өргөжин одоо 14 үсчин ажилладаг өндөр зэрэглэлийн Монгол Улсдаа нэр хүндтэй салон болсон байна.

Монгол улсын мастер үсчин Одонгоогийн үүсгэн байгуулсан салоноос өндөр зэрэглэлийн 12 салбар өрх тусгаарлажээ. Тэрээр ажлын хажуугаар Урлах эрдэм дээд сургууль, Монголын тахир дутуу иргэдийн хөдөлмөр сургалтын төвд багшаар олон жил ажиллаж байна. Мөн мэргэжлийн үсчдийн ур чадварыг дээшлүүлэх зорилгоор 2017 оноос эхлэн ажлын байран дээрээ гоёлын үс засалт, үс тайралт зэрэг онол, дадлага хосолсон төрөлжсөн сургалтыг зохион байгуулж, одоогоор 15 дахь төгсөлтөө дүүргээд байна. Түүний олон зуун шавь нараас мастер үсчин Н.Алтаншагай, С.Мөнхнасан, Г.Ганцоож, Д.Наранхүү нар нь Дэлхий, Ази, Европ тивийн аваргын болон Ази, Номхон далайн орнуудын үсчин, гоо засалчдын аваргын олон удаагийн алт, мөнгө, хурэл медалийн эзэд болсон байна.