Д.Кёкшюүзан Батбаяр Ардчиллын тэргүүн дээд шагнал “Чингис хааны одон”-оор шагнагдлаа

УИХ-ын гишүүн асан, Монголын сумо бөхийн холбооны ерөнхийлөгч Д.Кёкшюүзан Батбаярыг Ардчилсан намаас Монгол улсын бүтээн байгуулалтад оруулсан хувь нэмрийг нь үнэлж Ардчиллын тэргүүн дээд шагнал болох “Чингис хааны одон”-оор шагналаа.

Тэрбээр шагнал гардаж авах үеэрээ, “Ардчиллын мянга, мянган төлөөлөл болсон журмын нөхөд маань намайг өндрөөр үнэлж, Ардчилсан намын дээд шагнал болох “Чингис хааны одон”-оор энгэрийг минь мялааж, надад урам хайрлаж байгаад баяртай байна. АН-ын гишүүн болоод УИХ-ын гишүүн болж үзлээ. Өнөөдөр журмын нөхөдтэйгөө зүтгэж яваадаа сэтгэл хангалуун байдаг. Надад хийж, бүтээх ажил их байна. Монгол орныхоо хөгжил цэцэглэлт, ирээдүй болсон хүүхдийн төлөө төлөвлөсөн ажил олон байгаа. Тэр тусмаа “Хөрш заан” барилгын компани энэ жил нэг сая мкв  барилгыг барьж нийслэл хотынхоо бүтээн байгуулалтад бага ч гэсэн нэмэр болох зорилго тавиад ажиллаж байна. Одоогийн байдлаар 750 мянган мкв барилгыг барьсан байна. Боловсролын салбарт сургууль, цэцэрлэг барьсан. Цаашлаад эрүүл мэндийн  салбарт хөрөнгө оруулалт хийж ажиллана гэж бодож байгаа. Дурьдаад байвал маш олон сайхан ажлуудыг хийсэн байгаа. Үүнд урам хайрлаж Арчидсан намын партизанууд, мянга мянган журмын нөхөд минь намайг дэмжиж энэхүү нэр хүндтэй шагналаар шагнаж байгаад баяртай байна” гэлээ.