“Баянзүрх” захын хүнсний лангуунууд шатжээ

Нийслэлийн Баянзүрх дүүргийн 6 дугаар хороо, “Баянзүрх” худалдааны төвийн 1 дүгээр давхарт өчигдөр орой 21.55 цагийн үед гал гарчээ. Галын улмаас 6 ширхэг хүнс, барааны лангуу шатсан байна. Худалдааны төвд гал гарлаа гэсэн дуудлагын дагуу Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн 8 алба хаагч 22:01 цагт очиж, 25 минут ажиллаж ассан галыг бүрэн унтрааж, 1,5 тэрбум төгрөгний өмч хөрөнгийг авран хамгаалж, богино хугацаанд хохирол багатайгаар унтрааж ажиллалаа гэж нийслэлийн Онцгой байдлын газраас мэдээллээ.