“Багш-шавь” сургалтыг зохион байгуулж байна

Архивын салбарын мэргэшлийн боловсон хүчин бэлтгэх, эрдэм шинжилгээний ажил хийх, практик дадлага, туршлага олгох зорилгоор Архивын ерөнхий газрын зарим албан хаагчдад ерөнхий газрын даргын 2019 оны А/53 дугаар тушаалаар “Шавь” сургалтыг зохион байгуулж эхэллээ. Багш-шавь сургалтын багшаар тус салбарт олон жил тасралтгүй үр бүтээлтэй ажиллаж байгаа Архивын ерөнхий газрын Мэргэжил, арга зүйн удирдлагын газрын Архивын баримтын тоо бүртгэл, статистик, мэдээ хариуцсан ахлах мэргэжилтэн Н.Оюунсүрэн, Архивын баримтын нөхөн бүрдүүлэлт, нягтлан шалгалтын арга зүй хариуцсан мэргэжилтэн Ш.Дариймаа, Зураг төслийн баримтын архивын эрхлэгч О.Тунгалаг, Түүхийн баримтын архивын эрхлэгч М.Байгалмаа, Эрдэм шинжилгээний ажилтан, доктор Г.Дашням нар ажиллаж байна.