Шинэхэн Рэйва эриний анхны башё эхэллээ

Рэйва эриний анхны башё болох Нацү баше ням гарагт эхэллээ. Хакүхо аварга Нацү башёг өнжсөн нь олон хүнд түрүүлэх боломжийг нээж өгч байгаа билээ.

Башёд түрүүлэхийн төлөө Какүрюү аварга, озэки Гоэйдо, Такаяасү, Такакэйшо, сэкивакэ Ичиножо, Точиношин нар хүчтэй өрсөлдөөн үзүүлэх биз ээ. Озеки Точиношин цол буурч барууны сэкиваке болжээ. Тэрбээр энэ башёд 10 болон түүнээс дээш давбал озеки цолоо эргүүлэн авна. Мөн Тамаваши Б.Мөнх-Оргилын түрүүлсэн зургийг Сүмогийн ордонд өлгөхөөр болсон байна. Мөн башёгийн сүүлийн өдөр АНУ-ын ерөнхийлөгч Д.Трамп цом гардуулах болно.