“Өмнөговьд үйлдвэрлэе” жижиг, дунд бизнес эрхлэгч, хоршоологчдын зөвлөгөөн болов

2019 оныг Өмнөговь аймаг “Хөдөө аж ахуй, үйлдвэржилтийн жил” болгон онцолж малчид, газар тариалан эрхлэгч, бизнес эрхлэгчид рүү чиглэсэн томоохон ажлуудыг хийж байна. “Өмнөговьд үйлдвэрлэе” экспог 2 өдрийн турш аймгийн төв Даланзадгад хотноо зохион байгуулж орон нутгийн үйлдвэрлэгчид, бизнес эрхлэгчдээ оролцуулсан юм.

Тэд өөрсдийн бүтээгдэхүүн ажил үйлчилгээгээ сурталчлах үзэсгэлэн худалдаанд оролцож бараа бүтээгдэхүүнээ үйлдвэрийн үнээр хэрэглэгчдэд худалдаалсан байна. Энэ үеэр бизнес эрхлэгч, үйлдвэрлэгчдийг хамруулсан “Өмнөговьд үйлдвэрлэе” зөвлөгөөнийг хийж зөвлөмж гаргаж ажиллахаар боллоо.