Ховд аймагт 35 зорчигчтой автобус шатжээ

Ховд аймгийн Булган сумын Алаг толгой багийн нутаг дэвсгэр 35 зорчигчтой автобус өчигдөр буюу энэ сарын 14-ний өдөр замын хөдөлгөөнд оролцож явахдаа  шатжээ.

Эх сурвалжийн ярьснаар, Ярант  олон улсын боомтоос тус аймгийн Булган сумын чиглэлд явж байсан “Байшинт Ямаан-Ус” ХХК-ийн 35 зорчигчтой том оврын автобус шатсан байна. Гал гарсан даруйд зорчигчдыг шуурхай буулгасан тул хүний амь эрсдээгүй, түлэгдэж бэртэлгүйгээр автобуснаас бууж амжсан аж.

 Осол гарсан дуудлагаар очсон Ховд аймгийн Онцгой байдлын газрын алба хаагчид 35  зорчигчийг том оврын автобусаар Булган суманд хүргэсэн байна. Гал гарсан шалтгааныг судалж байгаа бөгөөд урьдчилсан байдлаар  техникийн бүрэн бус байдлаас болсон байж болзошгүй гэж онцгойгийнхон ярьж байна.