Баянгол дүүргийн сурагчид ЭЕШ-ын сорилго шалгалтад орлоо

2019 оны 12-р сарын 09 өдөр, 14 цаг 02 минутад нийтэлсэн (Сэтгэгдэл үлдээх )
4df689df6084d43d582514ca3c04b7e3

 Баянгол дүүргийн НАМЗХ-ноос санаачлан, Боловсролын үнэлгээний төвтэй хамтран Баянгол дүүргийнхээ төгсөх ангийн сурагчдаас сорилго шалгалт авлаа. ЭЕШ-Сорилго-2019 шалгалтад нийт 48 дунд сургуулийн 12-р ангийн 1981 сурагч орсон байна.  Монгол улсын маань ирээдүй болсон хүүхэд залуус хүссэн сургуульдаа сонгосон мэргэжилээрээ элсэн ороход хэдхэн сарын хугацаа үлдсэн. Энэ л цаг үед хаврын шалгалтын бэлтгэл дадлага болгон хүүхдүүдийг идэвхжүүлэх зорилгоор “Сорилго-2019” шалгалтыг санаачлан зохион байгуулсан нь нүдээ олсон ажил болсон гэдгийг дүүргийн удирдлагууд онцолж байлаа. МАН-ын дэргэдэх НАМЗХ-ноос цаг үеэ мэдэрсэн, нийгэмд хэрэгтэй олон ажлыг эхлүүлэн хийдэгийн нэг жишээ нь энэхүү БГД-ийн ЕБС-иудын төгсөх ангийнхнаас авсан сорилго шалгалт юм.

Дашрамд хэлэхэд, Өнгөрсөн жилээс эхлэн шууд засалтын “Шилэн технологи”-ийг нэвтрүүлж эхэлсэн. Ингэснээр өмнө нь 14 хоногийн дараа шалгалтын дүн гардаг бол элсэгчид Элсэлтийн ерөнхий шалгалтаа өгсөн даруйдаа дүнгээ мэдэх боломжтой болсноороо онцлог. Жил бүр улсын хэмжээнд 40 мянга орчим хүүхэд ЭЕШ өгдөг, энэ жил ч мөн тооны төгсөгч байх тооцоотой байна.

Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл үлдээх