Инновацийн төсөлд шаардлагатай түүхий эд, материал, урвалж бодисыг гаалийн татвараас чөлөөллөө

2019 оны 12-р сарын 19 өдөр, 09 цаг 25 минутад нийтэлсэн (Сэтгэгдэл үлдээх )
zasag2020

Засгийн газрын 2019 оны 12 дугаар сарын 18-ны өдрийн ээлжит хуралдаанаар Гаалийн татвар, нэмэгдсэн өртгийн албан татвараас чөлөөлөх Инновацийн төслөөр дотоод, гадаадын зах зээлд шинэ бараа, бүтээгдэхүүний үйлдвэрлэл явуулахад шаардлагатай, дотоодод үйлдвэрлэдэггүй түүхий эд, материал, урвалж бодисын жагсаалтыг баталлаа.

Түүхий эд, материал, урвалж бодисын жагсаалтад гоо сайхны бүтээгдэхүүний үйлдвэрлэл, лабораторийн оношлуур үйлдвэрлэл,   биотехнологи, микробиологийн бүтээгдэхүүний үйлдвэрлэл, байгалийн эрдэст бэлдмэлийн үйлдвэрлэл, эм, эм бэлдмэлийн үйлдвэрлэл, малын эм, эм бэлдмэл, шимт тэжээл, туршилтын үйлдвэрлэл зэрэг 7 салбарын 12 инновацийн төсөл хэрэгжүүлэгч байгууллагын 68 инновацийн бүтээгдэхүүнийг үйлдвэрлэхэд шаардлагатай 3 тэрбум 633 сая төгрөгийн өртөг бүхий 188 нэр төрлийн түүхий эд, материал, урвалж бодис хамрагджээ.

Энэхүү тогтоол батлагдсанаар инновацийн төсөл хэрэгжүүлэгч байгууллага нь инновацийн бүтээгдэхүүний үйлдвэрлэл явуулахад түүхий эд, материал, урвалж бодисоор  хангагдаж, улс орны эдийн засгийн хөгжилд хувь нэмэр оруулахуйц импортыг орлох, экспортод чиглэсэн инновацийн шинэ бүтээгдэхүүн үйлдвэрлэх ач холбогдолтой юм.

Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл үлдээх