Хогийн цэгт гал гарснаас дөрвөн автомашин шатжээ

 Орон сууцны гаднах зогсоолын орчимд хогийн цэгт гал гарснаас дөрвөн автомашин шатсан хэрэг гарчээ.

 “Нийслэлийн Баянгол дүүргийн 3 дугаар хороо, 54 дүгээр байрны дэргэд автомашин шатаж байна” гэсэн дуудлага 2020.01.01-ний 05:03 цагт Онцгой байдлын албанд иржээ. Тодуулбал, иргэн Б-гийн “Тоёота Приус 20” загварын суудлын автомашин, Ч-гийн “Тоёота Приус 30” загварын суудлын автомашин, М-ийн “Тоёота Корон” загварын суудлын автомашин, Д-гийн  “Санта Ри” загварын суудлын автомашин шатсан нь тэр байв.

Дуудлага мэдээллийн дагуу Чингэлтэй дүүргийн Онцгой байдлын хэлтсийн Гал түймэр унтраах, аврах 10 дугаар ангийн алба хаагч нар 05:08 цагт очиж, 20 минут ажиллаж галыг унтраасан байна.