Сурагчдын амралтыг долоо хоногоор сунгалаа

Ингэснээр нийслэлийн сурагчид нэгдүгээр сарын 20-ныг хүртэл амарна. Харин орон нутгийн сурагчдын амралт төлөвлөгөөний дагуу нэгдүгээр сарын 10-нд дуусна.

Эрүүл мэндийн яамнаас өвлийн ид хүйтэн цагаар вирусын халдвараас урьдчилсан сэргийлэх зорилгоор ерөнхий боловсролын сургуулийн хоёрдугаар улирлын амралтыг сунгах хүсэлтийг Боловсрол, соёл, шинжлэх ухаан, спортын яаманд хүргүүлсний дагуу Засгийн газраас эл асуудлыг хэлэлцээд, долоо хоногийн амралтыг улирал хооронд шилжүүлж шийдвэрлэжээ.