Говь-Алтай аймгийн Эрдэнэ суманд газар хөдөлжээ

Говь-Алтай аймгийн Эрдэнэ сумын Өлзийт багийн “Ямаан-Ус” гэдэг газар /сумын төвөөс баруун зүгт 30 км-т/ 02.12-ны өдрийн 02:02 цагт 4.7 магнитудын хүчтэй газар хөдлөл болсон тухай мэдээллийг ООГХ-ээс цахим шуудангаар өчигдөр 07:00 цагт ирүүлжээ. Тус аймгийн Онцгой байдлын газраар дамжуулан тус сумын  Засаг даргын Тамгын газрын дарга Б.Буянзаяагаас тодруулахад иргэдэд чичирхийлэл мэдрэгдсэн бөгөөд хохирол учраагүй байна.