МЭХ Улсын хэмжээнд 45329 маск оёж, ЭМЯ-нд 10 мянган маск хүлээлгэн өглөө

2020 оны 03-р сарын 05 өдөр, 12 цаг 53 минутад нийтэлсэн (Сэтгэгдэл үлдээх )
5c9a7e388b4a84ed71f519f56f79539b

Өмнөд хөршид дэгдсэн шинэ коронавирус буюу COVID-19 вирус дэлхий нийтэд тахлын хэмжээнд хүрэх аюул тулгараад байна. Монгол Улсад одоогоор бүртгэгдээгүй ч халдвар тархах өндөр эрсдэлтэй орны тоонд багтаж буй. Иймд урьдчилан сэргийлэх арга хэмжээний хүрээнд Монголын эмэгтэйчүүдийн холбоо Улсын хэмжээнд 45329 маск оёж, ЭМЯ-нд 10.000 маск хүлээлгэн өглөө.

Дараах аймгууд орон нутгийнхаа эрүүл мэндийн газар болон аймгийн онцгой комисст хүлээлгэн өгсөн болно.

  • МЭХ-ны төв ажлын алба 10,000
  • Архангай аймаг 200
  • Баян-өлгий аймаг 1,000
  • Дархан-уул аймаг 4,000
  • Дорноговь аймаг 2,000
  • Дундговь аймаг 2,000
  • Завхан аймаг  14,129
  • Орхон аймаг 4,000
  • Өмнөговь аймаг 500
  • Сүхбаатар аймаг 1,000
  • Төв аймаг 3,000
  • Увс аймаг 500
  • Хөвсгөл аймаг 2,000
  • Хэнтий аймаг 1,000

Энэхүү маск нь элдэв харшил өгөхгүй, цэвэр даавуун материалаар хийсэн /хүүхдийн өлгийний даавуу/, амьсгалахад хүндрэл учруулахгүй, олон удаа угааж, индүүдэн хэрэглэх боломжтой.

Маск оёх аян бүх аймаг, сумдад үргэлжилж байгаа бөгөөд энэ тоо цаашид өсөх юм.

Нийгмийн хариуцлагын хүрээнд, хайртай хүмүүс, эрүүл нийгмийн төлөө сайн дураараа маск оёх аянд нэгдэн сэтгэл зүрх, хөлс хүчээ зориулсан олон сайхан эмэгтэйчүүд, ээжүүд болон МЭХ-ны 21 аймаг, 9 дүүргийн эмэгтэйчүүдийн зөвлөлийн хамт олонд талархал илэрхийлье.

Мөн МЭХ-ноос санаачилсан 10.000 маск аяныг дэмжин, нийгмийн хариуцлагын хүрээнд олон ТББ маск оёж, нийтэд түгээж байгаад баяртай байна.

Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл үлдээх