“Хөвсгөл мах маркет” ХХК 1 тонн адууны мах хандивлалаа

“Хөвсгөл мах маркет” ХХК-наас Шинэ корановирусын халдварт өвчний онцгой нөхцөлд ажиллаж байгаа төрийн албан хаагчдын хэрэгцээнд нэг тонн үйлдвэрийн аргаар бэлтгэсэн адууны махыг хандивлаж байна.

Өнөөдөр /2020.03.19/ ХХААХҮ-ийн сайд, Улсын онцгой комиссын гишүүн  Ч.Улаантай  “Хөвсгөл мах маркет” ХХК-ны захирал Э.Цогбаяр уулзаж,  нийгмийн хариуцлагын хүрээнд  нэг тонн адууны махыг хандивлаж буйгаа илэрхийлсэн юм.

ХХААХҮ-ийн сайд Ч.Улаан “Эрсдэлтэй нөхцөл үүссэн энэ үед танай хамт олон санаачилга гаргасанд талархаж байна. Маргааш /2020.03.20/ Улсын онцгой комиссын хуралтай. Энэ хуралд албан ёсоор танилцуулж, уламжлана” гэв.