Өнөөдөр улаан хулгана өдөр

-Аргын тооллын 4 дүгээр сарын 3. Баасан (Сугар) гараг (2020)
-Билгийн тооллын шинийн 10, улаан хулгана, үнэг-8 од, суудал гал, мэнгэ 1 цагаан, идэрийн барилдлагатай өдөр. Хутганы ир, овоо тахих, лусын буулттай.
-Өдрийн нар ургах/шингэх цаг: 06:26-19:25.
-Өдрийн сайн цаг: Морь(11:40-13:40), бич(15:40-17:40), хулгана(23:40-01:40), үхэр(01:40-03:40) болой.
-Үс засуулахад эрхтэн хүчин дэлгэрэх маш сайн. Гэвч морь, бар, туулай, нохой, гахай жилтнээ цээрлэвэл зохилтой.
-Хол газар явагсад зүүн урд зүгт мөрөө гаргавал зохистой.
-Луу, бич, хулгана, тахиа, хонь жилтнээ аливаа үйлийг хийхэд эерэг сайн. Харин морь, бар, туулай жилтнээ сөрөг муу.
-Дуган шүтээн босгох, тахих үйл, лам болох, эм найруулах, хурим хийх, эрдэм сурах, бэрийн үйл, үхэгсдийн үйл, шинэ барилгыг ашиглалтанд оруулах, худалдаа хийх, сайн үйлс үүсгэх, баясгалангийн хурим, газар хагалж тариа тарих, шинээр хувцас өмсөх, чимэг зүүх, бүжиг наадам үйлдэхэд сайн. Төлөг тавих, морь уралдуулах, нохой тэжээх, хүүхэд үрчлэн авах, улаан идээ авах, хутга мэс ирлэх, архи уух, эд хөрөнгө зээлдүүлэх, нэхэх, нүүдэл хийх, замд гарахад муу. Мал адгуус дэлгэрдэгч мал бүү гарга.

Зурхайч лам Д.Цогтбаатар