Никитон хамтлагийн онлайн тоглолт өнөөдөр болно

Монгол Улсын хүчит гарьд Б.Гончигдамба тэргүүтэй залуучууд бидний зохион байгуулж буй “Монголдоо хайртай” аяны хүрээнд өнөөдөр буюу 04 дүгээр сарын 03-нд 20:00 цагаас монголын рок поп хөгжмийн шинэ цагийн нүүр царай болсон алдарт “Никитон” хамтлагийн бүрэн хэмжээний шоу тоглолт “Боловсрол” суваг телевизийн эфирээр онлайн хэлбэрээр хүрэх гэж байна.

Дэлхийн олон оронд тархаж, Монгол Улсад бүртгэгдсэн цар тахал “Шинэ коронавирус” болон хаваржилт хүндэрч “Зуд” нүүрлэсэн аймаг, сумдын малчид, иргэд, төрийн албан хаагчиддаа сэтгэлийн дэм өгөх зорилгтой тус аян болон тоглолтод олон арван байгууллагууд, иргэд нэгдэж дэмжин ажиллаж байгаа бөгөөд МУГЖ Б.Сарантуяа, МУГЖ Ж.Алтанцэцэг нар урилгаар оролцож ая дуугаа ѳргөх гэж буйг дуулгахад таатай байна. Ийнхүү “Монголдоо хайртай” тоглолтыг “Боловсрол” суваг телевиз, “Ard News”, “Монголдоо хайртай” фэйсбүүк хуудсуудаар хүлээн авч үзээрэй.