Согтуурсан үедээ бүлэглэн дээрэм хийсэн этгээдүүдийг илрүүлжээ

2020 оны 05-р сарын 13 өдөр, 11 цаг 14 минутад нийтэлсэн (Сэтгэгдэл үлдээх )
police

Сонгинохайрхан дүүрэг дэх цагдаагийн газрын нэгдүгээр хэлтэст “21 дүгээр хорооллын автобусны буудлын орчимд цэнхэр дээлтэй хүнийг дээрэмдээд байна” гэх дуудлага, мэдээлэл ирсэний дагуу шалгалтын ажиллагаа явуулахад иргэн Т нь согтуурсан үедээ иргэн М-ийг бүлэглэн дээрэмдэж, зугтсаныг шуурхай эрэн сурвалжилж илрүүллээ.

Иргэн та гэмт хэрэг, зөрчлийг харсан даруйдаа цагдаагийн байгууллагад мэдэгдвэл хэргийг хурдан шуурхай илрүүлэх боломжтой юм.

Эрүүгийн хуулийн 17.2 дугаар зүйл: Дээрэмдэх

1. Бусдын эд хөрөнгийг илээр, хүч хэрэглэхгүйгээр, хууль бусаар авсан бол зургаан сараас таван жил хүртэл хугацаагаар зорчих эрхийг хязгаарлах, эсхүл зургаан сараас таван жил хүртэл хугацаагаар хорих ял шийтгэнэ.

2. Бусдын эд хөрөнгийг хүч хэрэглэж, хүч хэрэглэхээр заналхийлж авахаар довтолсон бол хоёр жилээс найман жил хүртэл хугацаагаар хорих ял шийтгэнэ.

3. Энэ гэмт хэргийг:

3.1. байнга үйлдэж амьдралын эх үүсвэр болгосон;

3.2. зэвсэг, тусгайлан бэлтгэсэн зэвсгийн чанартай зүйл хэрэглэж үйлдсэн;

3.3. зохион байгуулалттай гэмт бүлэг үйлдсэн бол таван жилээс арван хоёр жил хүртэл хугацаагаар хорих ял шийтгэнэ гэж заасан байна.

Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл үлдээх