Нөөцийн махны өргөтгөсөн худалдааг 06 дугаар сарын 01-нийг хүртэл хугацаагаар сунгалаа

Нөөцийн махны нийлүүлэлт болон бусад асуудлаар ажлын хэсгийн ээлжит хурал болж бэлтгэн нийлүүлэгч 16 аж ахуйн нэгж, Бодлогын гэрээний нөөцийн мах нийлүүлж буй 32 аж ахуйн нэгжийн өнгөрөгч хугацаанд нийлүүлсэн махны тоо хэмжээ болон бусад асуудалтай танилцлаа.
Нөөцийн махны өргөтгөсөн худалдааг 6 дүүргийн 24 байршилд 2020.05.02-ны өдрөөс эхлэн зохион байгуулж нийт 2066тн мах борлуулаад байна. Ажлын хэсэг тооцоо судалгаа, иргэдээс ирсэн саналыг үндэслэн өргөтгөсөн худалдааг 06 дугаар сарын 01-нийг хүртэл хугацаагаар сунгах шийдвэр гаргалаа.

Мөн Нөөцийн махны борлуулалт хийхээр гэрээ хийсэн боловч борлуулалтын орлогоо бэлтгэн нийлүүлэгчдээ тушаагаагүй удаж 12 сая төгрөгийн өр үүрсгэсэн аж ахуйн нэгжийн асуудлыг хэлэлцлээ. Баянзүрх дүүргийн ХХҮХ-ээс уг асуудалд арга хэмжээ авч 6 сая төгрөгийг барагдуулсан талаар танилцуулсан бөгөөд үлдэгдэл өр төлбөрийг 6 дугаар сарын 10 дотор яаралтай шахаж төлөхийг ажлын хэсгээс үүрэг болголоо.

Нөөцийн махны өргөтгөсөн худалдааг 06 дугаар сарын 01-нийг хүртэл хугацаагаар сунгалаа

Сэтгэгдэл үлдээх

Видео мэдээ

Фото мэдээ

Валютын ханш