“10,000 программист” төслийн хүрээнд программ хангамжийн мэргэшүүлэх сургалтын бүртгэл эхэллээ

Орчин цагийн хамгийн эрэлттэй мэргэжлүүдийн нэг болох программ хангамжийн инженер бэлтгэх зорилгоор Нийслэлийн Засаг даргын Тамгын газраас “10,000 программист” төслийг санаачлан хэрэгжүүлж эхлээд байгаа билээ. Энэхүү төслийн хүрээнд мэдээлэл технологи, финтекийн чиглэлээр үйл ажиллагаа явуулдаг “Монгол Ай Ди” ХХК-ийн зүгээс өөрсдийн нөөц бололцоондоо тулгуурлан мэргэжлийн өндөр түвшний ур чадвар бүхий программист бэлтгэх 7 сарын эрчимжүүлсэн сургалтыг эхлүүлэхээр бэлтгэл ажлыг ханган ажиллаж байна.

Та сургалтад хамрагдсанаар:

☑️ Их сургуулийн программ хангамжийн 4 жилийн сургалтын хөтөлбөрийг 7 сарын хугацаанд эрчимжүүлсэн цогц хөтөлбөр

☑️ Их сургуулийн туршлагатай багш нар болон Монголын шилдэг IT инжеренүүдийн хамтарсан Онол-практик хосолсон сургалт

☑️ Мэдээлэл технологи, программ хангамжийн мэргэжлийн англи хэлний хосолсон хөтөлбөр

☑️ Монголын шилдэг IT, мэдээлэл технологийн компаниудад дадлагажих, цаашид ажлын байрт зуучлах боломжтой юм.

Сургалтад хамрагдах хүсэлтийг 2020 оны 06 дугаар сарын 10-ыг хүртэл хүлээн авах ба цаг үетэйгээ хөл нийлүүлэн ажиллах хүсэл эрмэлзэлтэй хэн бүхэнд энэхүү сургалт нээлттэй болно.

Бүртгүүлэх линк: https://forms.gle/xuJYtu8bEqqoygw36

Холбоо барих утас: 90999880

НИЙСЛЭЛИЙН ШИНЖЛЭХ УХААН, ҮЙЛДВЭРЛЭЛ, ИННОВАЦЫН ГАЗАР