ОХУ-аас ирсэн гурван иргэнд COVID-19 халдвар илэрч, ХӨСҮТ-өөс нэг хүн эдгэрч гарлаа

Коронавирусний тархалтын нөхцөл байдлын талаар ЭМЯ-наас өнөөдөр /2020.06.26/ ээлжит мэдээлэл хийлээ.

2020.06.25-нд ХӨСҮТ-ийн 2 лаборатори, Дархан-Уул аймгийн салбар 1 лабораторид нийт 171 шинжилгээ /PCR/ хийхэд гурван хүнд “Ковид-19” халдвар илэрчээ

Тухайлбал:

– 2020.06.25-нд Москва-Улаанбаатар чиглэлийн тусгай үүргийн онгоцоор ирсэн зорчигчдоос гурван хүн халдвартай болох нь батлагдсан байна.
– Эдгээр хүмүүс нь 22-23 насны 2 эрэгтэй, 1 эмэгтэй оюутан аж.

 Бусад шинжилгээ:

– Ажиглах байранд тусгаарлагдсан 19 хүн /давтан,
– ХӨСҮТ-д тусгаарлагдсан 8 хүн,
– Алтанбулаг боомтоор ирсэн ачаа тээврийн 26 жолооч,
– Тандалт судалгааны зорилгоор СХД-ийн нэгдсэн эмнэлгээс цуглуулсан 3 сорьц, шинжилгээнд халдвар илрээгүй байна.

– ХӨСҮТ-д эмчлүүлж байсан нэг хүн эдгэрч, өнөөдөр дараагийн тусгаарлалт руу шилжиж байна.
– Энэ нь ОХУ-ын цэргийн сургуульд сурдаг 19 настай оюутан бөгөөд эмчилгээний хугацаа 43 хоног үргэлжилжээ.

– Улсын хэмжээнд ажиглах байруудад нийт 2566 хүн тусгаарлагдаж байна.
– Өчигдөр 126 хүн шинээр тусгаарлалтанд орсон бол, 17 хүн гэрийн тусгаарлалт руу шилжжээ.
– Нийслэлийн хэмжээнд гэрийн тусгаарлалтанд 624 хүн байна.

– 2020.06.26-ны 08:30 цагт ОХУ-ын Зэвсэгт хүчний тусгай үүргийн онгоцоор ирсэн 75 цэргийн алба хаагчийг Багабаян амралтын газарт тусгаарлажээ.
– Эдгээр хүмүүсээс сорьц цуглуулах ажлыг зохион байгуулж эхэлсэн бөгөөд шинжилгээний хариу маргааш гарна.

– ХӨСҮТ-д 88 хүн эмчилгээ, ажиглалт, тандалт, судалгаанд хамрагдаж байна.

– Монгол Улсад гаднаас зөөвөрлөгдөн орж ирсэн коронавируст “Ковид-19” халдварын нийт батлагдсан тохиолдол 219 байна. Үүнд:
– ХӨСҮТ-д эмчлүүлж эдгэрсэн 170 хүн байгаа бол, өдгөө эмчилгээ, ажиглалтад 49 хүн хамрагдаж байна.
– Биеийн байдал хөнгөн 42, хүндэвтэр оноштой долоон хүн байна.