“Чингис хаан” олон улсын нисэх буудлын нэрийг “Буянт-Ухаа” болгон албан ёсоор өөрчиллөө

2020 оны 07-р сарын 01 өдөр, 17 цаг 09 минутад нийтэлсэн (Сэтгэгдэл үлдээх )
73219344_1159438061083657_6339351900088342088_o

Засгийн газрын 2019 оны арванхоёрдугаар сарын 18-ны өдрийн 455 тоот тогтоолын дагуу өнөөдөр /2020.7.01/ Буянт-Ухаа дахь “Чингис хаан” олон улсын нисэх буудлын нэрийг “Буянт-Ухаа” болгон албан ёсоор өөрчиллөө.

Харин Төв аймгийн Сэргэлэн сумын Хөшигийн хөндийд баригдсан шинэ нисэх буудлыг “Чингис хаан” олон улсын нисэх буудал хэмээн нэрийдэхээр болж байна.

“Буянт-Ухаа” олон улсын нисэх буудал нь Иргэний нисэхийн ерөнхий газрын харьяанд олон улс, орон нутгийн нислэгийн нөөц нисэх буудал, ерөнхий зориулалт, нисэхийн сургалт, захиалгат, онцгой, тусгай үүргийн нислэг, агаарын хөлгийн засвар үйлчилгээ болон онцгой байдал иргэний нисэхийн бусад үйл ажиллагаанд ашиглагдах юм.

Гэхдээ одоогоор Хөшигийн хөндий дэх “Чингис хаан” олон улсын нисэх буудлаас агаарын хөлөг буух, хөөрөх үйл ажиллагаа албан ёсоор эхэлтэл “Буянт-Ухаа” олон улсын нисэх буудлын өмнөх үйл ажиллагаа хэвийн үргэлжилнэ.

Өнөөдрийн байдлаар “Буянт-Ухаа” олон улсын нисэх буудлаас МИАТ ТӨХК олон улсад тусгай үүргийн нислэг үйлдэж байгаа бол Хүннү эйр, Аэромонголиа авиа компаниуд орон нутагт хуваарьт нислэг үйлдэж байна.

Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл үлдээх