Хөгжлийн бэрхшээлтэй иргэдэд зориулсан ариун цэвэр, эрүүл ахуйн 400 ширхэг багцыг Хөдөлмөр, нийгмийн хамгааллын яаманд хүлээлгэн өглөө

2020 оны 12-р сарын 04 өдөр, 12 цаг 55 минутад нийтэлсэн (Сэтгэгдэл үлдээх )
u

НҮБ-ын Хүн амын сангаас Люксембургийн Засгийн газрын дэмжлэгтэйгээр КОВИД-19 цар тахлын үед эмзэг хэсэгт дэмжлэг үзүүлж байгаа бөгөөд хөгжлийн бэрхшээлтэй иргэдийн хэрэгцээг судалж, тэдэнд зориулсан ариун цэвэр, эрүүл ахуйн 400 ширхэг 44.4 сая төгрөгийн өртөг бүхий багцыг Хөдөлмөр, нийгмийн хамгааллын яаманд хүлээлгэн өглөө.

Манай улсын хүн амын 3.3 хувь нь хөгжлийн бэрхшээлтэй иргэд. Дээрх багц нь эрэгтэй, эмэгтэй хүмүүст зориулсан сонголттой бөгөөд өмсдөг болон дэвсдэг живх, гар ариутгагч, хуурай, нойтон салфетик, дотуур хувцас, оймс зэрэг байнгын асаргаатай иргэдэд өдөр тутмын хэрэгцээт эд зүйлсийг багтаасан.

Хөдөлмөр, нийгмийн хамгааллын яам уг багцыг хөгжлийн бэрхшээлтэй иргэдийн 2 асрамжийн газарт 50, Төрийн бус байгууллагуудад 60, амьжиргааны түвшин доогуур байнгын асаргаатай, хэвтрийн 290 иргэнд тараахаар бэлтгэл ажлыг хангаад байна.

Тус арга хэмжээнд УИХ-ын Нийгмийн бодлогын байнгын хорооны дарга М.Оюунчимэг, Монгол Улсын Засгийн газрын гишүүн, Хөдөлмөр, нийгмийн хамгааллын сайд А.Ариунзаяа, НҮБ-ын Хүн амын сангийн суурин төлөөлөгч Каори Ишикава, Хөгжлийн бэрхшээлтэй иргэдийн эрх ашгийг хамгаалах чиглэлээр үйл ажиллагаа явуулдаг төрийн бус байгууллагын төлөөлөл, албаны бусад хүмүүс оролцлоо.

Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.