Ананд хүүгийн мэс заслын зардал бүрдэж, БНСУ-ыг зорилоо

 Хүнд хэлбэрийн хавдартай хэмээн оношлогдоод байсан н.Ананд хүүгийн мэс заслын зардал бүрдэж хүү өнөөдөр БНСУ-ыг зорьж байгаа ажээ.

Энэ талаар түүний ээж хэлэхдээ  “Хүүгийн эмчилгээ 6 сараас нэг жилийн хугацаанд үргэлжилнэ. Хагалгааны дараа туяа, физик, нөхөн сэргээх эмчилгээ гэсэн дарааллаар явах тул удах байх. Хүүд минь тусалж хандив өгсөн сайн санаат хүмүүс Монголынхоо ард түмэнд маш их баярлалаа” гэсэн байна.

Хүүгийн  эмчилгээний зардалд 380 сая төгрөг шаардагдаж буй бөгөөд хүүгийн ээжийн дансанд нийт 398 сая 164 мянган төгрөг цугларч, эмчилгээний зардал бүрджээ.

Өнгөрсөн гуравдугаар сарын 30-нд Э.Анандын нурууны нугалмуудын түвшинд 11.8 см, хэвлийн хөндийн зайруу 1.7см Х 6.8см хэмжээтэй түрж ургасан хүнд хэлбэрийн хавдартай болох нь тогтоогдсон байна. Хүүг Монголд эмчлэх боломжгүй бөгөөд БНСУ-ын “Soon Chun Hyang Seoul University Hospital” эмнэлэгт эмчлүүлэхээр зорьж байгаа нь энэ юм.