533 тохиолдол шинээр бүртгэгдэж,долоон хүн нас баржээ

 Улсын хэмжээнд сүүлийн 24 цагт хийсэн шинжилгээгээр коронавируст халдварын 533 тохиолдол шинээр бүртгэгдлээ. Ингэснээр манай улсад “Ковид-19” халдварын нийт тохиолдол 49 175 боллоо.

Шинэ тохиолдлын  527 нь дотоодын халдвар бол нийслэлд 490, хөдөө орон нутагт 37, эмнэлгээс шалтгаалах зургаан тохиолдол бүртгэгдэв.

Сүүлийн 24 цагт коронавируст халдвартай долоон хүн нас баржээ. Ингэснээр коронавируст халдварын улмаас нийт 214 хүн эндээд байна.

Харин 1065 хүн сүүлийн 24 цагт эмнэлгээс гарснаар нийт 41 844 хүн эдгэрчээ.

Коронавирусээр халдварлаад шинж тэмдэг хөнгөн хэлбэрээр өвчилсөн 3009 хүн гэрийн ажиглалтад байгааг ЭМЯ-ны хэвлэлийн хурлын үеэр мэдээлэв.