40 өрхөд өргөө цагаан гэрийн батламж олголоо

Төв аймаг 2021 оныг “Хүний хөгжил-Эрүүл мэндийг дэмжих жил” болгон зарлаж, урианы жилийн ажлын төлөвлөгөөнд зорилтот бүлгийн иргэдийг орон байраар хангаж, аж байдлыг дээшлүүлэх зорилгоор “Гэр” төслийг тусган хэрэгжүүлж байгаа билээ. Энэ хүрээнд 27 сумын амьжиргаа дэмжих зөвлөлөөр хэлэлцэгдэж дэмжигдсэн өрх, зорилтот бүлгийн иргэдэд чиглэсэн “Төгсөлтийн аргачлал” төсөлд хамрагдсан болон байгалийн давагдашгүй хүчин зүйлээс болж орон гэргүй болсон 40 өрхөд гэрийн батламж гардууллаа.