Өнөөдөр цагаагчин туулай өдөр

-Аргын тооллын 6 дугаар сарын 12. Бямба (Санчир) гараг (2021)

-Билгийн тооллын шинийн 2, цагаагчин туулай, өглөгт охин-6 од, суудал огторгуй, мэнгэ 7 улаан, үл тохирохын барилдлагатай өдөр. Хутганы ир өдөр.

-Өдрийн нар ургах/шингэх цаг: 04:53-20:51.

-Өдрийн сайн цаг: Туулай(05:40-07:40), хонь(13:40-15:40), тахиа(17:40-19:40), бар(03:40-05:40) болой.

–Хүний сүлд шагайнд, гэрийн сүлд зуух, пийшинд орших болой.

–Үс бүү засуул хэл ам, хэрүүл тэмцэл ирэх тул муу цээрлэвэл зохилтой.

-Хол газар явагсад баруун хойд зүгт мөрөө гаргавал зохистой.

–Хонь, туулай, үхэр жилтнээ аливаа үйлийг хийхэд эерэг сайн. Харин тахиа, гахай, хулгана жилтнээ сөрөг муу.

–Аливаа бодсон санасан ажил үйл ном ёсоороо бүтэх маш сайн. Харин амраг садан бололцох, багш шавь барилдах, хот суурин, байшин эхлэн барих, газар хөндөх, газар хагалах, суваг шуудуу малтах, тариа ногооны үр суулгах, цэрэг хөдөлгөх, нүүдэл хийх, үзмэр үзэх, хурим хийх, бэрийн үйл, замд гарахад муу. Газрын гараг дэлгэрдэгч эд бүү гарга.

-Зурхайч лам Д. Цогтбаатар