II улирлын НӨАТ-ын буцаан олголт өгөх тул долоодугаар сарын 8-ны дотор баримтаа бүртгүүлээрэй

2021 оны хоёрдугаар улирлын НӨАТ-ын буцаан олголтын урамшууллыг өгөх бэлтгэл хийгдэж буйг Татварын ерөнхий газраас мэдээллээ.

Иймд худалдан авалт хийсэн төлбөрийн баримтаа долоодугаар сарын 8-ны 23:59:59 цагаас өмнө цахим системд бүртгүүлэхийг санууллаа.

2020 оноос эхлэн НӨАТ-ын буцаан олголтыг улирал тутамд олгодог болсон билээ.

Үүнд:

• Нэгдүгээр улирлын буцаан олголтыг дөрөвдүгээр сард,
• Хоёрдугаар улирлын буцаан олголтыг долдугаар сард,
• Гуравдугаар улирлын буцаан олголтыг аравдугаар сард олгодог бол
• Дөрөвдүгээр улирлын буцаан олголтыг дараа оных нь нэгдүгээр сард олгодог журамтай.