Хулгайн гэмт хэрэг нь ихэвчлэн хувь хүний болгоомжгүй байдлаас үүдэн гардаг

Чингэлтэй дүүрэг дэх цагдаагийн газрын нэгдүгээр хэлтэст 2022 оны 01 дүгээр сарын байдлаар 154 гэмт хэрэг бүртгэгдсэн нь өнгөрсөн оны мөн үеэс 92 хэрэг буюу 2.5 дахин өссөн  үзүүлэлттэй байна.

 Нийт бүртгэгдсэн гэмт хэргээс хулгайлах гэмт хэрэг 18 бүртгэгдэж 28.5  хувиар, өссөн байна. Хулгайлах гэмт хэрэг дотроо Халаасны хулгайн гэмт хэрэг, зөрчил ихээр цагдаагийн байгууллагад бүртгэгдэж байна. Тухайлбал

  2021 оны эхний 12 сарын байдлаар халаасны хулгайн 368 гомдол мэдээлэл бүртгэгдснээс 56 буюу 15.2 хувьд нь хэрэг бүртгэлийн хэрэг нээж шалгасан. Халаасны хулгайн гэмт хэрэг 1.3 дахин өссөн. Бүртгэгдсэн халаасны хулгайн гомдол мэдээллээс харахад 79 буюу 21.4 хувь нь 11 сард, 68 буюу 18.4 хувь нь 12 дугаар сард, 53 буюу 14.4 хувь нь 8 дугаар сард тус тус бүртгэгдсэн байна.

Иймд

Хулгайн гэмт хэрэг нь ихэвчлэн хувь хүний болгоомжгүй байдлаас үүдэн гардаг тул хүн олноор төвлөрсөн газраар явахдаа гадна талын халаасандаа мөнгө, гар утас, эд зүйлсээ хийхгүй байх, хулгайд алдах, хаягдаж үрэгдэхээс сэргийлж сонор сэрэмжтэй явах, өөрийн эзэмшлийн автомашиныг зориулалтын газарт байрлуулж машиндаа эд зүйлээ ил задгай орхихгүй байх,бэлэн мөнгө, үнэт эд зүйлсээ задгай орхих, найдваргүй байр саванд хадгалах, эд хөрөнгө хариуцагч жижүүр манаач нар сонор сэрэмж алдах, ажлын байраа орхиж явах, ажилтан алба хаагчид хувцас малгай хүрэм, цүнх болон бусад эд зүйлээ ил задгай орхих, сейф ширээ, хаалга зэргээ түгжилгүй орхиж явах нь хулгайч нарт бэлэн өгөөш болдог гэдгийг санаж эд зүйлээ сайтар нягталж байхыг чингэлтэй дүүрэг дэх цагдаагийн газрын нэгдүгээр хэлтсээс сэрэмжлүүлж байна.

ЧИНГЭЛТЭЙ ДҮҮРЭГ ДЭХ ЦАГДААГИЙН ГАЗРЫН НЭГДҮГЭЭР ХЭЛТЭС