Бүгд Найрамдах Киргиз Улстай харилцааг өргөжүүлэн хөгжүүлэх талаар санал солилцов

Монгол Улсын Ерөнхийлөгчийн Тамгын газрын дарга Я.Содбаатар Бүгд Найрамдах Киргиз Улсын Ерөнхийлөгчийн Тамгын газрын Ерөнхийлөгч, Сайд нарын танхимын Шийдвэр бэлтгэх газрын Шийдвэрийг шалгах хэлтсийн орлогч дарга Убалиев Элдияр Маматжамовичийг хүлээн авч уулзав.

Уулзалтаар хөрөнгө оруулалт, хөдөө аж ахуй, уул уурхай, аялал жуулчлал, соёл, урлаг зэрэг салбарын харилцаа, хамтын ажиллагааг өргөжүүлэн хөгжүүлэх боломжийн талаар санал солилцлоо.

Энэ өдрүүдэд Улаанбаатар хотноо Худалдаа, эдийн засаг, шинжлэх ухаан, техник, соёлын хамтын ажиллагааны Монгол, Киргизийн Засгийн газар хоорондын комиссын IV хуралдаан болж байгаа юм.