Гадаад паспорт захиалахад цээж зураг авч очих шаардлагагүй

2022 оны есдүгээр сарын 30-ны өдрөөс эхлэн үндэсний энгийн гадаад паспортын захиалга авахдаа цээж зураг шаардахгүй болж буйг УБЕГ-аас. мэдээллээ.

Гадаад паспорт захиалахаар ирсэн иргэний цээж зургийг бүртгэлийн ажилтан өөрөө авч системдээ оруулах үйлчилгээг үзүүлэхээр болжээ.

Монгол Улсын иргэн үндэсний энгийн гадаад паспортыг захиалахад мэргэжлийн зурагчнаар 3.5X4.5 хэмжээтэй өнгөт зураг, сүүлийн 6 сарын дотор авхуулсан, цагаан фонтой, чих дух ил гарсан цээж зураг авч очдог байсан. Тэгвэл өнөөдрөөс эхлэн бүртгэлийн ажилтан энэхүү шаардлагыг хангасан зургийг авах аж.