Нийгмийн халамж үйлчилгээнд Монгол Улсын 1.3 сая хүн хамрагдаж байна

Нийгмийн даатгалын сангаас мэдээлснээр, тэтгэвэр авагчдын тоо 478 мянга болж 4.3 хувиар нэмэгдсэн байна. Үүнд өндөр настны тэтгэвэр авагчдын тоо 371 мянга болж өмнөх оноос 5.5 хувиар өсжээ.

2022 оны эхний 11 сарын байдлаар нийгмийн халамж үйлчилгээнд Монгол Улсын 1.3 сая хүн хамрагдаж байна. Өмнөх онтой харьцуулахад 1.1 сая буюу 44.7 хувиар буурчээ. Үүнээс:

• Насны хишиг 12.5 хувь
• Нийгмийн халамжийн тэтгэвэр тэтгэмж 23,6 хувь
• Эх, олон хүүхэдтэй өрх толгойлсон эх, эцгийн тэтгэмж 20,3 хувь
• Эхийн алдар одонгийн мөнгөн урамшуулал 18.3 хувь
• Бусад 25.3 хувийг эзэлж байна.

Тэтгэвэр тэтгэмж, тусламж үйлчилгээ хөнгөлөлтөд 2022 оны эхний 11 сард 472 тэрбум төгрөг олгожээ. Энэ нь өмнөх онтой харьцуулахад 73.8 хувиар буурсан үзүүлэлт аж.