Нийтийн тээврийн үйлчилгээнд шинээр ажиллах жолооч нарт тээврийн үйлчилгээний стандартын сургалтыг зохион байгууллаа

Нийтийн тээврийн газар, Тээврийн цагдаагийн алба, “Замын хөдөлгөөний удирдлагын төв” НӨҮГ-тай хамтран 04 дүгээр сарын 19-20-ний өдрүүдэд “Нийтийн тээврийн үйлчилгээнд шинээр ажиллах жолооч нарт тээврийн үйлчилгээний стандартууд, нийтийн тээврийн жолооч нарын гаргадаг нийтлэг зөрчил, анхаарах асуудлууд” сэдэвт сургалтыг зохион байгууллаа. Нийтийн тээврийн үйлчилгээг иргэдэд аюулгүй, найдвартай хүргэх, гэнэтийн аюул ослын үед шуурхай арга хэмжээ авах чадамжийг эзэмшүүлэх зорилгоор шинээр ажиллах жолооч нарт мэдээлэл зөвлөгөө өгч нийгэмд харилцаа хандлагаа өөрчлөн нөлөөлөх боломж байгаа талаар тус тус мэдээлэл өгсөн. Сургалтад найман аж ахуй нэгж байгууллагын 42 жолооч хамрагдлаа.