НОБГ: Голын усанд осолдохоос 4 хүнийг авран хамгаалав

Өнгөрсөн долоо хоногт алба хаагчид голын усанд осолдох эрсдэлтэй 1 том хүн, 3 хүүхдийг авран хамгааллаа.

Тодруулбал, Өчигдөр /2023.07.30/ Хан-Уул дүүрэг 4 дүгээр хороо Сонсголонгийн гүүрний доор 2 хүүхэд голд боогдсон байна 21:30 цагт ирүүлснээр Аврах ангийн бүрэлдэхүүнийг хүрэлцэн очиход 15-17 насны хоёр эрэгтэй хүүхэд Туул голын дунд байх эрэг дээр усанд боогдсон байсныг гаргаж ахад нь хүлээлгэн өгсөн.

Мөн /2023.07.26/ Хан-Уул дүүргийн 8 дугаар хороо, Сонсголонгийн гүүрний хажууд 15 настай эрэгтэй хүүхэд живсэн гэх дуудлагыг 19:01 цагт ирүүлснээр Аврах ангийн бүрэлдэхүүнийг очиход 15 настай эрэгтэй усанд хөл алдан урсаж, голын салаанд тээглэсэн байдалтай байсныг эсэн мэнд уснаас гаргасан.

Сүүлийн өдрүүдэд аагим халуун үргэлжилж иргэд голын эрэг дагуу зорчих хөдөлгөөн эрс нэмэгдсэнээр голын усанд осолдож эрүүл мэнд, амь насаараа хохирох эрсдэлийг дагуулж байна.

Иймд голын эрэг дагуу амарч, зорчихдоо бага насны хүүхэд, хөгжлийн бэрхшээлтэй болон өндөр настай хүмүүсийн аюулгүй байдлыг ханган, анхаарал болгоомжтой байхыг сэрэмжлүүлж байна.