ЭХЭМҮТ: Төрөлхийн цөсний ерөнхий сувгийн эмгэгтэй хүүхэд болон төрөлхийн улаан хоолой битүү эмгэгтэй нярайд дурангийн аргаар мэс засал хийлээ

Эх, хүүхдийн эрүүл мэндийн үндэсний төвийн эмч, мэргэжилтнүүд хүүхэд, нярайн мэс заслын тусламж үйлчилгээндээ шинэ технологи, эмчилгээний аргыг амжилттай нэвтрүүллээ.

ЭХЭМҮТ-ийн Хүүхдийн эмнэлгийн Ерөнхий мэс заслын тасаг, Цээжний мэс заслын тасгийн эмч нарын баг төрөлхийн цөсний ерөнхий сувгийн эмгэгтэй хүүхэд болон төрөлхийн улаан хоолой битүү эмгэгтэй нярайд дурангийн аргаар анх удаа мэс засал хийсэн байна.

Цаашид эмнэлгийн тусламж үйлчилгээндээ эмчилгээний шинэ арга, технологийг  үе шаттай нэвтрүүлэх зорилт тавин ажиллаж байгаа юм.