Хүүхэдтэйгээ хамт ажилдаа явах хэрэг гардаг уу

Зарим зайлшгүй үед урт, богино хугацаагаар хүүхдээ ажилдаа авч явахаас өөр арга байхгүй үе ээж, аав бидэнд гардаг. Юуны түрүүнд танай ажил аюулгүй, тайван орчноос бүрдсэн гэдэгт найдаж байна.

* Даргадаа заавал урьдчилан мэдэгд. Өөрийн чинь дээр байдаг хүнд хэлэлгүйгээр хүүхдээ хэзээ ч битгий ажилдаа авч ир. Утсаар эсвэл цахилгаан шуудангаар зөвшөөрөл аваарай. Хэрэв цаг нь тулсан үе гарвал ядаж мессеж бичиж арга байдлаа тайлбарлаж үлдээх хэрэгтэй.

* Хүүхдээ ажил дээрээ удаан байлгахгүйг хичээ. Эмээ, өвөөгөөс нь тусламж хүсч хүүхдээ ирж авахыг гуйгаарай.

* Хэрэв хүүхдээ ажлынхантайгаа танилцуулах зорилгоор авчрах болвол өдрөө зөв сонгох хэрэгтэй. Жишээ нь, Баасан гарагийн үдээс хойш эсвэл уулзалт цуглаан болдоггүй үеийг тааруулсан нь дээр.

* Дуу чимээ гардаггүй тоглоом сонгоорой. Ном, зургийн харандаа, эвлүүлдэг тоглоом гэх мэт.

* Ажлынхаа найз ч бай хэнийг ч хүүхдээ харж өгөхийг асуусныг хэрэггүй. Хичнээн хүүхдийг чинь өхөөрдөн, магтаж байгаа ч хүүхэд харах гэж биш ажлаа хийх гэж ирсэн гэдгийг мартаж болохгүй.

* Хэрэв  тусдаа өрөөнд суудаг бол өрөөнийхөө хаалга хаалттай байлгаарай. Хүүхэд чинь дуулж, бүжиглэх үнэхээр хөөрхөн ч зохистой газар биш тул хаалгаа хааж аль болох хүний анхаарал татахгүйг хичээ.

* Гэрээсээ ажилладаг бол хүүхдээ унтсан хойгуур ажлаа амжуулж сураарай.