Хүүхэдтэйгээ холын аялалд гарах хүмүүст

Машинаар аялахад
• Машинаар аялж байгаа тохиолдолд аль болох ахиухан тоглоом, зууш, ус, ном, сонсдог ном, хурууны хүүхэлдэйг авч яваарай
• Цаг, мөнгөний боломжтой бол замын дунд саатаж нэг хоног өнгөрүүлэхээр төлөвлөвөл хүүхэд урт замд ядрах нь багасна
• Машин барьж яваа хүн нойр сайтай, ядраагүй байх хэрэгтэй
• Хамт аялж яваа хүмүүс жолоогоо ээлжлэн барих нь нэгийгээ амраахаас гадна хүүхдэд сонирхолтой байдаг
• Өглөө аль болох эрт замдаа гарахыг хичээгээрэй
• Хангалттай хэмжээний нойтон салфетка, алчууртай яваарай

Онгоцоор аялахад
• Онц чухал шаардлагагүй бол олон улсын хэмжээнд хоёр сар хүрээгүй хүүхдийг онгоцоор аялуулж болохгүй гэж үздэг. Агаарын авиа компаниуд энэ талаар өөрийн гэсэн дүрэмтэй байдаг
• Гар ачаандаа живх, хүүхдийн хоол заавал илүүг тооцож хийх хэрэгтэй. Жишээ нь 12 цагийн нислэг хийх бол доод тал нь 24 цагийн нислэгт тохирсон бэлтгэлтэй яваарай. Онгоц саатсан тохиолдолд буудал дээр хүүхдийн тэжээл, живх зардаггүй.
• Хэдэн шинэ тоглоом авч насанд нь тохируулан бэлэг болгон боож онгоцонд орсон хойноо задалж өгөөрэй
• Соосго, угж, ус, иштэй чихрийг онгоц хөөрөх, буухад соруулвал чих нь дүлийрэхгүй
• Хүүхэддээ унтлагын хувцас гэх мэт биед эвтэйхэн хувцаслаж, өөрөө толбо болвол мэдэгдэхээгүй өнгийн хувцас өмсөөрэй
• Өлгий, хучих өөрийнх нь хөнжлийг авахаа мартав. Шөнөдөө онгоц сэрүүхэн байдаг.
• Хэрэв угж хэрэглэдэг бол хангалттайг авч явахгүй бол онгоцон дотор угаах арга байхгүй
• Шөнийн нислэг сонгохыг хичээж, онгоц сэлгэх бол аль болох удаан хүлээлгүй дараагийн онгоцонд суух билет аваарай
• Бага насны хүүхэдтэй аялахдаа болвол хоёр том хүн хамт явах хамгийн амар байдаг