Нялх хүүхдийн битүүрсэн хамрыг хэрхэн арчлах вэ?

Эцэг эх бидний хувьд хүүхэд өвдөх шиг хэцүү зүйл байхгүй. Ялангуяа хаана, хэрхэн өвдөж байгаагаа хэлж чадахгүй, нусаа нийж, хоолой амаа утаж чадахааргүй насанд илүү сандардаг. Хамар битүүрч, нус гоожиж амьсгалахад бэрх болсон үед дараах аргыг гэртээ хэрэглээрэй.
 Ариун цэврийн өрөөнийхөө шүршүүрийг халуунаар хэсэг гоожуулж ууршсаны дараа хүүхдээ алчууранд ороон тэвэрч ороод 10 минут орчим байна. Хүүхдээ хэт халж буй эсэхийг анзаарах хэрэгтэй. Орой унтахын өмнө хийхэд нэн тохиромжтой.
 Бага зэргийн хөөлгөгч буюу содаг бүлээн усанд хийж хөвөнд шингээн хоёр хамарт нь ээлжлэн дусааж хэдэн хормын дараа зориулалтын нус соруулагчаар сорж цэвэрлэ.
 Шөнө унтахад нь толгойн хэсгийг бага зэрэг өндөрлөж налуу болговол амьсгалахад амар болно.
 Хүүхдийн өрөөнд агаар чийгшүүлэгчийг хэрэглэ. Энэ нь агаарыг чийгтүүлж хамрыг онгойлгодог. Харин ойр ойрхон зааврын дагуу цэвэрлэж байх хэрэгтэй.