Өвс ачиж явсан машин шатжээ

2016 оны 12-р сарын 07 өдөр, 20 цаг 12 минутад нийтэлсэн (Сэтгэгдэл үлдээх )

Хэнтий аймгийн Жаргалтхаан сумын нэгдүгээр багийн нутаг дэвсгэр “Дуутын даваа” гэх газарт өвс ачиж явсан машин шатсан тухай дуудлага энэ сарын 5-ны шөнийн 01:40 цагийн орчимд тус сумын цагдаагийн хэсэгт иржээ.

Хэнтий аймаг дахь Цагдаагийн газраас “Дуудлагын дагуу үүрэг гүйцэтгэсэн Жаргалтхаан сумын цагдаагийн хэсгийн төлөөлөгч уг хэргийг шалгаж байна. Шалгалтын явцад автомашины яндан дээр өвс унаж халснаас шаталт үүссэн нь урьдчилсан байдлаар тогтоогдож байгаа. Галын улмаас жолооч, зорчигч гэмтэж бэртээгүй” гэж мэдээллээ.

“Daewoo” маркын автомашины жолооч нь Сүхбаатар аймгаас Төв аймаг руу өвс ачиж явсан байна. Жолооч та бүхнийг тээврийн хэрэгслийнхээ янданд оч баригч хийж, ачаа тээшний аюулгүй байдлыг хангаж, холын замд зорчихдоо ачаа тээшээ тогтмол шалгаж явахыг цагдаагийн байгууллагаас анхааруулж байна.

Share the post "Өвс ачиж явсан машин шатжээ"

Танд таалагдаж байвал LIKE хийгээрэй. Баярлалаа

АНХААРУУЛГА: Уншигчдын бичсэн сэтгэгдэлд ОНЦЛОХ.МН хариуцлага хүлээхгүй болно. ОНЦЛОХ.МН сайт ХХЗХ-ны журмын дагуу зүй зохисгүй зарим үг, хэллэгийг хязгаарласан тул Та сэтгэгдэл бичихдээ бусдын эрх ашгийг хүндэтгэн үзнэ үү.

Сэтгэгдэл үлдээх