“Хугацаатай” сарын картын үйлчилгээний нөхцөл

Нэг. Ашиглалт, худалдан авалт

1.1    Тус картыг эзэмшигч нь сар бүрийн 01-ний өдрөөс эхлэн тухайн сарыг дуустал нийтийн тээврийн хэрэглсээр  хязгааргүй зорчих боломжтой.

1.2    “Улаанбаатар смарт карт” ХХК нь анх  энэхүү картын худалдан авалт хийсэн  хэрэглэгчийн доорх хувийн мэдээллийг бүртгэн авах  ба энэ нь картын сунгалт хийх болон үйлчилгээтэй холбоотой бусад зорилгоор ашиглагдах болно. Үүнд :

–       Хэрэглэгчийн овог нэр:

–       Регистрийн дугаар:

–       Холбоо барих утасны дугаар:

–       Яаралтай үед холбоо барих хүний нэр, утасны дугаар:

1.3    Картыг дараах цэгүүдээс худалдан авах боломжтой.

–       “Umoney” картын хэрэглэгчийн төв;

–       “Нийслэлийн үйлчилгээний нэгдсэн төв”-ийн Дүнжингарав, Мишээл, Драгон салбарууд.

1.4    Хэрэглэгч нь картыг анх худалдан авахдаа сарын хэд дэх өдөр хоногт худалдан авч байгаагаас шалтгаалж дараах үнэтэй байна.

Үүнд :

Дээрх үнийн дүнд картын үнэ багтсан болно.

Хоёр. Сунгалт

2.1  Картын сунгалтыг сар бүрийн 16-аас 27-ны өдрийн хооронд хийх боломжтой.

2.2  Хэрэглэгч картын сунгалтыг хийхдээ төлбөрийг банкны дансаар шилжүүлэх мөн “Улаанбаатаар смарт карт” ХХК-ны хэрэглэгчийн төв, “Нийслэлийн үйлчилгээний нэгдсэн төв”-ийн Дүнжингарав, Мишээл, Драгон үйлчилгээний төв  дээр өөрийн биеэр эсхүл иргэний үнэмлэхээ картын хамт хүнд өгч явуулах замаар сунгалтыг хийлгэж болно.

2.3  Картын сунгалтыг дараах үнийн тарифаар хийнэ.

Үүнд :

2.4  Төлбөрийг шилжүүлэхдээ гүйлгээний утга дээр Картын 16-н оронтой дугаарыг зайлшгүй бичих шаардлагатай. Хэрэв картын 16 оронтой тоо зөрүүтэй, дутуу бичсэн тохиолдолд тухайн хэрэглэгчийн картын хугацааны сунгалт идэвхжихгүй болно.

2.5  Хэрэглэгч картын сунгалтын үнийн дүнг тогтсон тариф дагуу хийснээр сунгалт идэвхжих боломжтой. Хэрэв хэрэглэгч сунгалтын үнийн дүнг зөрүүтэй  төлсөн тохиолдолд холбогдох арга хэмжээг авна.

Гурав. Буцаан олголт

3.1  Гэмтэлтэй карт :Хэрэглэгчийн санаатай болон санамсаргүй үйлдлээс үүдэн картанд  гэмтэл гарсан, хаяж гээгдүүлсэн, хулгайд алдсаны улмаас картыг дахин шинээр олгох  тохиолдолд картын төлбөрийг төлөх ба картын хязгааргүй зорчих эрхийг үргэлжлүүлэн эдэлнэ.

3.2  Доголдолтой карт : Карт системийн гэмтэлтэй байгаа тохиолдолд картын дахин олголтыг  анх  ашиглаж эхэлснээс хойш 3 сарын дотор үнэ төлбөргүй сольж өгөх ба хязгааргүй зорчих эрхийг үргэлжлүүлэн эдэлнэ. Хэрэв 3 сараас хэтэрсэн тохиолдолд картыг үнийн дүнг төлж дахин авах ба зорчих эрхийг үргэлжлүүлэн эдлэх боломжтой. Жич : Уг  картыг дахин авсан тохиолдолд хэрэглэгч авсан өдрөөс хойш 1 өдрийн дараа хэрэглэх боломжтой.

3.3  Дахин олгох тухай: Картыг шинээр дахин олгох тохиолдолд хуучин картыг дугаарыг хүчингүй болгож ашиглах боломжгүй болгоно.

3.4  Төлбөрийн буцаалт : Хэрэглэгч уг картыг худалдан авснаас хойш буцаах хүсэлт гаргасан тохиолдолд мөнгөн дүнг эргүүлэн олгох боломжгүй.