“Сэтгэл нэмье” уулзалт ярилцлагад сайн үйлстэн Ц.Сувд-Эрдэнэ оролцоно

Бөмбөгөр худалдааны төв дээр цай зарж амьжиргаагаа залгуулдаг байсан Хорлоо эмээг гэртэй болгож байсан Ц.Сувд-Эрдэнэ бүсгүйг танихгүй хүн цөөхөн. Тэрээр Хорлоо эмээд тусалснаасаа хойш олон хүнд тусалж, өөрийн гэсэн төрийн бус байгууллагыг хүртэл байгуулан ажиллаад байгаа билээ.

“Итгэл Сэтгэлийн гүүр” төрийн бус байгууллага нь хоёр жилийн хугацаанд 5000 гаруй хүнд тусламжийн гараа сунгаж, 25 айлыг орон гэртэй болгосон байна. Одоогийн байдлаар тэрээр хүнд нөхцөлд амьдардаг хүүхдүүдийг гэртээ байрлуулан асардаг н.Сарнай бүсгүйтэй хамтран “Сарнай” хүүхдийн төв байгуулахаар аль хэдийн ажилдаа орсон байна.