Цэцэрлэгийн багачууд замын хөдөлгөөний мэдлэгээрээ өрсөлдлөө

Сүхбаатар дүүргийн төрийн өмчийн цэцэрлэгүүдийн дунд жил бүр зохион байгуулагддаг “Замын хөдөлгөөний цагаан толгой-2018” тэмцээн өчигдөр амжилттай болж өнгөрлөө. Хүүхдийг зам тээврийн ослоос урьдчилан сэргийлэх, тэдэнд замын хөдөлгөөний дүрмийн мэдлэг олгох, замын хөдөлгөөнд аюулгүй оролцох дадлыг багаас нь зөв хэвшүүлэх зорилготой энэ тэмцээнд 27 цэцэрлэгийн 320 гаруй хүүхэд ур чадвар, авхаалж самбаагаа сорин өрсөлдсөн юм. “Замын хөдөлгөөний цагаан толгой-2018” тэмцээний нийлбэр дүнгээр
I байрт 166 дугаар цэцэрлэг
II байрт 160 дугаар цэцэрлэг
III байрт 75 дугаар цэцэрлэг
Тусгай байрыг 216 дугаар цэцэрлэг эзлэв. Мөн тэмцээний шилдэг дасгалжуулагч багшаар 166, шилдэг зохицуулагч хүүхдээр 135, шилдэг оролцогч эцэг эхээр 14 дүгээр цэцэрлэг тус тус шалгарлаа.