Эрчим хүчний салбарын 12 хүн төрийн дээд одон медалиар шагнуулав

Монгол Улсын Ерөнхийлөгчийн зарлигаар Төрийн дээд одон медаль хүртсэн эрхмүүдэд шагнал гардуулсан. Ардын хувьсгалын 97 жилийн ойн баяр наадмыг тохиолдуулан Монгол Улсын гал голомт болсон Эрчим хүчний салбарт Төрийн дээд одон медаль хүртсэн албан хаагчдыг илч дулаан, цахилгаан, эрчим хүч түгээх үйлсэд оруулсан хувь нэмрийг нь үнэлж “Аж Үйлдвэрийн Гавъяат Ажилтан” /Улаанбаатар дулааны сүлжээ ТӨХК-ийн ахмадын зөвлөлийн гишүүн Дашдаваагийн Даржаа/-г, “Хөдөлмөрийн хүндэт медаль”-иар нэг, “Алтан гадан одон”-оор зургаа, “Хөдөлмөрийн гавъяаны улаан тугийн одон”-оор дөрвөн хүнийг шагнаж, энгэрийг нь мялаалаа. Эрчим хүчний сайд Ц.Даваасүрэн шагнал авсан хамт олон болон нийт салбарын ажилчиддаа хандан Тулгар төрийн 2227 жил, Их Монгол Улс байгуулагдсаны 812 жил, Үндэсний эрх чөлөө, тусгаар тогтнолоо сэргээн мандуулсны 107 жил, Ардын хувьсгалын 97 жилийн ойн баярын мэндчилгээ дэвшүүлэв.

Мөн 2018 оны 07 дугаар сарын 10-ны өдөр Монгол Улсын Ерөнхий сайд У.Хүрэлсүхийн УХ/326 тоот захирамжаар Монгол Улсын Засгийн газраас дэвшүүлсэн “Гурван тулгуурт хөгжлийн бодлого”-ын хүрээнд шудрага ёс, хариуцлагын тогтолцоог бэхжүүлэх талаар дэвшүүлсэн бодлого, шийдвэрийг хэрэгжүүлэхийн төлөө чин шудрагаар хөдөлмөрлөсөн гавьяа зүтгэлийг үнэлж, Засгийн газраас уг шагналаар шагнаж байгаагааг Эрчим хүчний сайд Ц.Даваасүрэн тододгож цом, гэрчилгээ, мөнгөн шагналыг тус тус яамны аппарадын хамт олны дунд  ёслол төгөлдөр гардуулсан болно.

Эрчим хүчний яаманд шагналын хур буусан энэ өдөр Засгийн газрын “Хүндэт өргөмжлөл” шагналаар ТЗУГ-ын Архив, бичиг хэргийн эрхлэгч Х.Отгонбат, Монголын Залуучуудын Холбооны шагнал “Хөдөлмөрийн алдар” тэмдгээр ТБХЗГ-ын мэргэжилтэн С.Ариунболд, 55 насны ойн хүндэтгэлд ТЗУГ-ын үйлчлэгч Т.Дунгаамаа, 50 насны ойн хүндэтгэлд БТГ-ын ахлах мэргэжилтэн Ё.Энхтуяа, БТГ-ын ХОҮХ-ийн мэргэжилтэн Б.Энхтуул нар тус тус шагнагдлаа.