Их мастер А.Энхтуул шавь нараа бэлджээ

“Элит Брайн” ХХК-ийг үүсгэн байгуулагч, Олон улсын шатрын Их мастер А.Энхтуулын санаачилгаар хоёр дахь жилдээ зохион байгуулагдсан шатрын эрчимжүүлсэн мэргэжлийн сургалтын төгсөлтийн баяр өнөөдөр буюу наймдугаар сарын 10-нд “Зайсан Хилл” цогцолборын Prime Cineplex кино театрт боллоо.

Тэрбээр энэхүү сургалтыг “Зууны шатар” клубтэй хамтран өнгөрөгч 5 дугаар сарын 10-ны өдрөөс эхлүүлсэн бөгөөд олон улсын жишиг стандартад нийцсэн шатрын сургалтыг Монголын уламжлалт тоглоом оньсон наадгай болон сэтгэл судлал, математикийн хичээлтэй хослуулан зааж бяцхан шавь нараа бэлдсэн байна.

Гурван сарын турш тасралтгүй шатраар хичээллэж, тодорхой түвшний чанартай мэдлэг эзэмшиж, өөрсдийн оюуны цар хүрээг тэлсэн 30 гаруй шавь нар нь өнөөдөр сертификатаа гардан авлаа.