Хүүхдүүд “Замын хөдөлгөөний орон”-оор аяллаа

Зам, тээврийн ослын хор уршгийг иргэд, олон нийт, хүүхэд багачуудад таниулж, тэднийг замын хөдөлгөөнд аюулгүй, зөв оролцох мэдлэг чадвар, хэвшил дадалтай болгоход чиглэсэн энэхүү төслийн хүрээнд тус компани Нийслэлийн Засаг даргын Тамгын газар, Нийслэлийн Боловсролын газар, Тээврийн цагдаагийн албатай хоёр дахь жилдээ хамтран ажиллаж, тухайн сэдвээр гурван цуврал номын эхийг бэлтгэн хэвлүүлсэн юм.

Төслийн эхний үе шатанд буюу 2018 оны тавдугаар сарын 2-нд нийслэлийн Сонгинохайрхан дүүргийн 67-р дунд сургуулийн 1-5-р ангийн сурагчдад 1800 ширхэг ном хандивлаж, харьяа дүүргийн Замын цагдаагийн албатай хамтран цуврал номын агуулгатай уялдсан гурван бүлэгт тоглоом хэлбэрийн үзүүлэн таниулах хичээл заасан билээ.

Төслийн дараагийн үе шатанд Тээврийн цагдаагийн албаны судалгаагаар замын хөдөлгөөний нэлээд эрсдэлтэй бүсэд орших хоёр сургуулийг хамруулж байгаагийн нэг нь Баянгол дүүргийн ерөнхий боловсролын лаборатори 28-р сургууль юм. Харин өнөөдөр (2019-12-11) Баянзүрх дүүргийн ерөнхий боловсролын 102-р сургуульд цуврал ном хандивлах, загвар хичээл заах арга хэмжээ болох бөгөөд хоёр сургуульд тус бүр 1500 ширхэг ном гардуулж, 1-5-р ангийн сурагчдын хүрээнд замын хөдөлгөөний аюулгүй байдлын загвар хичээл зохион байгуулж байгаа юм.