Өнөөдөр улаагчин үхэр өдөр

Аргын тооллын 11 дүгээр сарын 30. Даваа (Сумьяа) гараг (2020)

-Билгийн тооллын шинийн 15, улаагчин үхэр, чөлөөт эх-3 од, суудал шороо, мэнгэ 3 хөх, идэрийн барилдлагатай өдөр. Овоо тахих, лусын буулттай өдөр.

-Өдрийн нар ургах/шингэх цаг: 08:19-17:02.

-Өдрийн сайн цаг: Могой(09:40-11:40), бич(15:40-17:40), гахай(21:40-23:40), бар(03:40-05:40), туулай(05:40-07:40) болой.

-Үс засуулахад өлзийтэй маш сайн. Гэвч хонь, луу жилтнээ цээрлэвэл зохилтой.

-Хол газар явагсад баруун зүгт мөрөө гаргавал зохистой.

-Тахиа, могой, үхэр, нохой жилтнээ аливаа үйлийг хийхэд эерэг сайн. Харин хонь жилтнээ сөрөг муу.

-Гэр байшин барих, шүтээн босгох, равнайлах, хишиг даллага авахуулах, эм найруулах, лус ба тэнгэр тахих, хөрөнгө исгэх, архи нэрэх, сан тавих, хот байгуулах, мал зарах, худалдаа хийх, хот суурин, байшин барилгын суурь тавих, сайн үйлс үүсгэх, баясгалангийн хурим, гэр бүл бололцох, газар хагалж тариа тарих, чимэг зүүх, бүжиг наадам үйлдэхэд сайн. Өндөр суудалд сууж эхлэх, туг дарцаг хийсгэх, урлан бүтээх, дархлах, эрдэм ухаанд суралцах, цэрэг хөдөлгөх, шинэ малгай, хувцас өмсөх, хол замд гарах, эд юм өгөх, нүүдэл хийхэд муу. Лусын үүд дэлгэрдэгч балин бүү гарга.

Зурхайч лам Д.Цогтбаатар