Булган аймагт 3,5 магнитут хүчтэй газар хөдлөжээ

Булган аймгийн Бугат сумын төвөөс хойд зүгт 17 км-т өчигдөр 12.25 цагт 3.5 магнитудын хүчтэй газар хөдлөлт болсныг Гамшгийн шуурхай удирдлагын төвөөс мэдээллээ. Одон орон, геофизикийн хүрээлэнгээс өгсөн мэдээллээр газар хөдлөлтийн өргөрөг 48.95 уртраг 103.45 солбилцолд бүртгэгдсэн байна. Харин газар хөдлөлтэй холбоотойгоор ямар нэгэн эрсдэл, хохирол нутгийн иргэдэд учраагүй байна.