Дахин газар хөдлөж амь үрэгдэгсдийн тоо өссөөр байна

Италийн нийслэл Ром хотоос холгүй уулархаг бүс нутагт өнгөрсөн мягмар гаригт (2016.8.23) 6.2 магнитудын газар хөдлөлт болсон юм. Газар хөдлөлтийн голомтод ойр орших хот, тосгод ихээр нурж сүйдсэн байна. Аврах ажиллагаа үргэлжилж байх зуурт өчигдөр дахин 4.3 магнитуд газар хөдөлснөөс амь үрэгдэгсдийн тоо 250-д хүржээ. Нурангид дарагдаж гэмтсэн 300 гаруй хүнийг эмнэлэгт хүргэжээ. Аврах ажиллагаанд 5000 гаруй хүн оролцон өдөр, шөнөгүй ажиллаж байна.

Италийн геофизик, галт уулын судалгааны үндэсний институтын мэдээлснээр газар хөдлөлтөөс хойш өчигдрийг хүртэлт 200 орчим удаа их бага чичирхийлэл мэдрэгдсэн гэжээ.